Ardey Soomaliyeed oo gaareysa 300 oo wax ka barata dugsiga H/dhexe iyo sare ee Al-Bilaad

Arday dhan 300 ruux ayaa haatan waxbarasho aas-aasi iyo mid gabogabo ahba waxa uu uga socdaa dugsiga H/dhexe iyo sare ee Al-bilaad ee magaalada Muqdisho" Sidaasi waxaa yiri maamulaha Dugsigaas Max'ed Axmed Macallin, ahna guddoomiye ku xigeenka Dalladda SAFE

Dugsiga H/dhexe iyo Sare ee Al-bilaad ee magaalada Muqdisho waxaa la aas-aasay sanadka markuu 2003dii bishii January, waxaana lagu bilaabay arday waxoogaa arday ah, waxaana ka qalin jebiyay tan iyo markii la aas-aasay labo dufcadood oo haatan wax ka barta qaar ka mid ah jaaamacadaha Magaalada Muqdisho, qaar kalena ay ku shaqeystaan xirfado kala duwan oo aas-aas u ah waxbarashadii ay ka qaateen dugsiga Al-bilaad.

Maamulaha Dugsigaas Max'ed Axmed Macallin, ahna guddoomiye ku xigeenka Dalladda SAFE oo maanta u warramayay koox wariyayaal ah oo isugu jira qeybaha kala gedisan ee warbaahinta dalka ayaa waxa uu u sheegay in haatan dugsigu uu yahay dugsiyada fara ku tiriska ah ee tarbiyeeya arday aqoontoodu sarreyso, wuxuuna aas-aas uga dhigay far barashada ama waxa loo yaqaano far qurxinta oo arday shan sano jir ah uu ka mid ah ardayda dugsigaasi wax ka dhigata una dhigma ardayda heerka dhexe sida ay wax u qoraan si la mid ah wax u qoraya.

Maamulaha Dugsiga Al-bilaad Md. Max'ed Axmed Macallin waxa uu sheegay in labo maalmood ka hor uu maamulka Dugsiga soo gabagabeeyay waxbarashada Dufacaddii labaad oo halkaasi lagu guddoonsiiyay shahaadada waxbarashada sare 24 arday oo dhameystay waxbarashada dugsiga sare, wuxuuna intaas ku daray mar uu ka hadlayay xiriirka ka dhexeeya waalidiinta iyo maamulka dugsiga inuu yahay mid wanaagsan, isla markaana uu dugsigu ku xiran yahay gacanta waalidiinta.

Xigasho: SomaliTalk